Nuk kanë munguar vlerësimet, por as batutat në darkën zyrtare të organizuar nga qeveria shqiptare në nder të futbollistëve të Kombëtares.

Në këtë darkë ishin të pranishëm disa prej krerëve të shtetit shqiptar dhe atij të Kosovës. Kreu i qeverisë Edi Rama dhe trajneri i Kombëtares Xhani De Biazi, shpërndanë edhe pasaportat diplomatoke për kuqezinjtë.

Nga ana e tij, trajneri italian vlerësoi mesfushorin Burim Kukeli si një futbollist me cilësi të veçanta në fushë, ndërsa ky i fundit duket se nuk e kuptoi trajnerin italian, pasi ai foli në gjuhën italiane.

“Ka cilësi teknike, shpirtin e sakrificës, dëshirën për të qenë gjithmonë në dispozicion të skuadrës. E admiroj shumë sepse të jesh modest, por të njohësh vlerat është një cilësi e tij”,-ka thënë De Biazi për Kukelin.

Por mesfushori i surprizoi të gjithë kur tha se: “Unë nuk e kuptova (qeshin në sallë). Faleminderit. Jam shumë krenar që luaj për Kombëtaren, për këtë ekip. Falënderoj misterin dhe Kryeministrin për pasaportën”,-tha Kukeli.

NDIQE LIVE "PANORAMA TV"

---