Omer Bunjaku është drejtori i ri sportiv i Tiranës. Ky pozicion nuk ishte zëvendësuar te Tirana, që pas largimit të Agim Ibraimit. Tashmë është detyra e Bunjakut për të bërë më të mirën, ndërsa më parë ka kontribuar te Shkupi dhe Ballkani.

Bunjaku fitonte titullin kampion me Ballkanin në Kosovë, ndërsa Ilir Daja ishte trajner. Për të është eksperienca e parë në Shqipëri.

Njoftimi i Tiranës:

“Klubi i Futbollit Tirana prezanton drejtorin e ri sportiv, Omer Bunjaku. Me një përvojë të gjatë në menaxhimin e klubeve jashtë vendit, Bunjaku ka qenë pjesë e disa projekteve të rëndësishme në futboll.

Ai ka mbajtur role drejtuese dhe është angazhuar në ndërtimin e strukturave sportive që kanë sjellë sukses të qëndrueshëm si në fushë, ashtu edhe jashtë saj. E presim me besim dhe i urojmë mirëseardhje në shtëpinë bardheblu!”

PANORAMASPORT.AL

---