Ndeshja mes Laçit dhe Pogradecit është mbyllur me festën e skuadrës kurbinase, e cila falë fitores 2-0 siguroi ngjitjen në Superiore në sezonin e ardhshëm. Por ajo përjetoi edhe momente shumë të tensionuara me në përplasje mes trajnerëve Naxhi Shensoj dhe Emiljano Çela.

Të dy trajnerët u takuan në fushë dhe pasi shkëmbyen disa fjalë, Shensoj iu vërsul Çelës, teksa pjesëtarët e stafeve të të dy skuadrave ndërhynë për t’i ndarë në ato momente tensioni.

Shensoj ishte i papërmbajtshëm dhe u desh ndërhyrja e stjuardëve për ta larguar e më pas edhe të një polici për ta shoqëruar jashtë fushës së lojës, për të shmangur një përplasje fizike mes të dyve.

SHIH VIDEON

PANORAMASPORT.AL

---