Ali Soue është kthyer në këtë edicion në një nga bomberat më me emër në kampionatin turk të futbollit, ku vesh fanellën e Rizespor. Ish-sulmuesi i Skënderbeut, në këtë edicion po shfaq formën më të mirë, teksa me golat e tij po ndihmon klubin të mbijetojë në elitë.

Në ndeshjen e sotme ndaj Gaziantep, pikërisht fituesi i “Këpucës së Artë” në Superiore në sezonin 2017-2018, u bë protagonisti absolut i sfidës. 30-vjeçari pa t’i anulohen dy gola në pjesën e parë të sfidës, por në pjesën e dytë të saj, në minutën e 77-të, më në fund ia doli të kalonte në avantazh skuadrën me një devijim spektakolar në zonë.

SHISH VIDEON

Në shtesën e takimit, një asist i tij solli edhe golin që vulosi fitoren 2-0 dhe bëri që Rizespor të shkëputej edhe më shumë nga zona e ftohtë e klasifikimit.

SHIH VIDEON

Ky ishte goli i 15 i Soue në këtë edicion në futbollin turk.

PANORAMASPORT.AL

---