Laçi ka festuar sot në Korçe titullin kampion të Kategorisë së Parë pasi mundi në ndeshjen e fundit të sezonit të rregullt Skënderbeun dhe e kapërceu në renditje, duke prishur festën e vendasve. Por edhe vetë festa e kurbinasve ka qenë disi e veçantë.

Në ceremoninë e zakonshme të dorëzimit të trofeut, presidenti i FSHF-së ia kaloi atë kapitenit Kurti i cili shkoi të festonte me shokët duke e ngritur lart mes tyre. Por sapo lojtarët nisën ta merrnin me radhë trofeun në duar, trajneri i Laçit, Naxhi Shensoj hyri në mes të tyre dhe ua rrëmbeu me kuptimin e plotë të fjalës.

SHIH VIDEON

Ai vrapoi me shpejtësi larg futbollistëve të shtangur për disa çaste, ndërsa më pas filluan ta ndiqnin me vrap në fushë derisa ia morën përsëri trofeun nga duart mes të qeshurave të të gjithëve, me festën e cila më pas vijoi normalisht.

PANORAMASPORT.AL

---