Ndeshja mes Gaziantep dhe Trabzonspor në Superligën turke nuk kishte vetëm Ernest Muçin si protagonist të njohur për sportdashësit shqiptarë. Në fushë ka qenë protagonist edhe një tjetër lojtar i cili deri pak javë më parë ishte pjesë e Dinamos në Superiore.

Karamba Gasama, mesfushori 21-vjeçar nga Gambia, i dha lamtumirën futbollit shqiptar në fundin e dhjetorit, pasi u transferua nga radhët e bluve te Gaziantep pak ditë pasi kishte festuar me ta edhe fitoren e Superkupës së Shqipërisë.  Ai nisi të luante menjëherë në radhët e klubit turk dhe të fitonte minuta, duke i nisur ndeshjet edhe si titullar.

I tillë ka qenë edhe në takimin e sotëm, duke u bërë protagonist te goli i avantazhit të përkohshëm 1-0 të ekipit të tij në minutën e 22-të. Gasama u nis me një sprint të shpejtë në të majtën dhe më pas dha një asist perfekt per Bajo, i cili çoi lehtësisht topin në rrjetë me Onana si spektator.

SHIH VIDEON

PANORAMASPORT.AL

---