Partizani ka triumfuar në “Qemal Stafa” pasi ka mposhtur Tiranën në finalen e Kupës së Shqipërisë. Skuadra e U-19-ës së të kuqve ka fituar me rezultatin 2-1 ndaj bardhebluve, duke ngritur kështu trofeun me meritë.

Ekipi i drejtuar nga Genc Tomorri zhvilloi një ndeshje të mirë ku arriti dhe të finalizojë me sukses duke fituar derbin dhe trofeun ndaj Tiranës së Astrit Hafizit.

Vllacaj dhe Lika kanë realizuar dy golat e triumfit për “demat e kuq” ndërsa për bardheblutë ka shënuar Kristjan Prendi në minutën e 82′ të takimit. Gol i cili nuk mjaftoi për të ndryshuar rrjedhën e lojës.

---