Tirana dhe Vllaznia do të përballen ditën e sotme në kuadër të javës së 17-të të Superiores. Klasikja e Shqipërisë që do të zhvillohet në stadiumin “Selman Stërmasi” do të nisë në orën 13:30.Tashmë FSHF ka vendosur edhe për grupin e arbitrave që do të vendosin drejtësi në këtë sfidë.

Kryesor i Klasikes do të jetë Enea Jorgji, ndërsa asistentët e tij do të jenë Mirjeta Salla dhe Emigers Ganxhi, ndërkohë që rolin e arbitrit të katërt do ta mbajë Florjan Lata.

Në sistemin Var dhe Avar në ndihmë të Jorgjit do të vijnë Kreshnik Cjapi dhe Silvio Dyrmishi. Delegat i këtij takimi është caktuar Marjus Sulejmani ndërsa Vëzhgues Albano Janku.

PANORAMASPORT.AL

---