Rreth 1000 tifozë kishin ardhur në stadiumin “Vora”, ndërsa binin në sy dhe rreth 30 tifozë të Egnatias. Ja pikantet e duelit të vlefshëm për javën e 24 në Superiore.

JURGEN VRAPI – Plotëson 100 ndeshje me fanellën e Vorës dhe një ceremoni e thjeshtë me fanellën e Vorës ku shkruhej numri 100. Futbollisti kryeqytetas e ka sezonin e tij të katërt me Vorën, që kur erdhi nga Erzeni i Kategorisë Superiore, në Vorën e kategorisë së dytë. Ndeshja e së shtunës kundër Egnatias ishte e 100-ta për të.

SOAMALIA BAKAJOKO – vijon me ritet e tij duke u falur sapo hyn në fushë kur po niste loja, po kështu edhe në fillimin e pjesës së dytë, para se ai të shkelmonte topin nga qendra.

NJË MUAJ PA FITORE – Vora vinte në këtë takim një muaj pa fitore, që më 15 janar kur fitonte ndaj Partizanit në ndeshjen e parë të fazës së tretë.

MINUTA 4′-t – Një top i gjuajtur nga Kasalla, topi shkon te gjyqtari kryesor Andi Koçi, ky me thembër e kalon topin në mesfushë. Ndalon lojën dhe top i diskutueshëm.

MINUTA e 28-të – Një top i fortë i gjuajtur nga Sota në mesfushë, e kap nga prapa kokën e Kasallës, që e shtrin përtokë. Ndalohet urgjentisht loja e mjekët vihen në shërbim të lojtarit të Vorës, pa ndonjë problem çohet sërish në lojë.

MINUTA e 45+1 – Sota-Repaj një përplasje verbale mes tyre për shkak të një ndërhyrje nga prapa të Sotës ndaj Repaj dhe më pas Sota i kërkon ndjesë dhe “fair play” mes tyre, duke shtrënguar duart me njëri-tjetrin.

MANFREDAS RUZDIS – Skuadrës së Vorës i mungoi Ruzgis që në prag të ndeshjes rezultoi me temperaturë dhe për këtë arsye ai nuk u paraqit në këtë ndeshje, madje as në stolin e rezervave. Para kësaj ndeshje ai kishte deklaruar se do t’i shënonte Egnatias, por fati i tij i keq u bë pengesë, që ai të mos paraqitej fare dhe ta shikonte ndeshjen nga shtëpia në ekranin e televizorit.

IRGI KASALLA – Mund të konsiderohet si lojtari i rasteve të humbura, ku në 24 ndeshje, ai kishte në dispozicion të golit. 70 raste dhe në këto rastet e tij, ka shënuar vetëm 6 gola. Goli ndaj Egnatias kishte vlerën e një pike shumë të vlefshme për Vorën.

BARAZIMI HISTORIK – Vora dhe Egnatia kanë luajtur gjithsej 11 ndeshje përballë njëra tjetrës e ky ishte barazimi i tyre historik, pasi rezultati 1-1 rezultoi si barazimi i parë mes tyre, pas 4 fitoreve të Vorës dhe 6 barazimeve të Egnatias.

OKSEOLD SEFA – Për të ishte ndeshja e parë pas rikthimit te Vora. Kujtojmë se Sefa erdhi nga skuadra e Kukësit gjatë janarit të këtij viti, nga ku ishte huazuar sezonin e kaluar.

PANORAMASPORT.AL

---