Futbolli ka të bëjë me shënimin e golave. Por këto nuk do të ekzistonin pa ata që i krijojnë, ata që janë në hije, pas shënuesve. Magjistarët që krijojnë asistime nuk dalin në faqet e para, megjithëse ka përjashtime.Majkëll Olise është një nga ata magjistarë. Francezi bindi botën e futbollit në Ligën e Kampionëve dhe ata që nuk e kishin parë aq shpesh mbetën të habitur nga loja e tij. Jo pa arsye ai ishte asistuesi më i mirë në kompeticionin kryesor evropian (6), megjithëse klubi i tij, Bajerni i Mynihut, u eliminua në gjysmëfinale kundër kampionëve. Duhet thënë se Hakimi, Vinicius dhe Kvaratskhelia dhanë të njëjtat asistime, duke ndarë një markë me francezin.

Në të njëjtin raund të Kupës së Botës, skuadra e tij, Franca, u eliminua dhe Olise ishte sërish asistuesi më i mirë në kompeticion (7). Në fakt, ai vendosi një rekord në një Kupë Bote, duke e kaluar Pelenë. Askush nuk dha më shumë asistime se ai në Ligën e Kampionëve dhe Kupën e Botës, dy kompeticionet më të rëndësishme në botën e futbollit. Por Olise nuk u ndal aty. Ai fi toi Bundesligën me Bajernin dhe ai ishte asistuesi më i mirë i garës me 19 asistime, katër më shumë se Rajerson, i dyti.

Kështu, Majkëll Olise u bë i vetmi lojtar në historinë e futbollit që dha asistimin më të mirë në Kupën e Botës, Ligën e Kampionëve dhe Bundesligën në të njëjtin sezon pas Kupës së Botës. Në fakt, askush nuk kishte qenë ndonjëherë lojtari me më shumë asistime në Kupën e Botës dhe Ligën e Kampionëve në të njëjtën kohë. Anësori francez ishte gjithashtu një nga shtyllat e ekipit kombëtar francez, i cili pati një Kupë Bote të jashtëzakonshme, deri sa u përball me Spanjën.

Në fakt, Olise pati ditën më të keqe të Kupës së Botës në ndeshjen kundër ekipit të Luis de La Fuentes, ku pothuajse nuk fare në lojë, duke qënë hija e vetvetes. Në çdo rast, ‘hattrick’ i Olise do të hyjë në histori. Për më tepër, është një rekord i vështirë për t’u thyer në të ardhmen, francezi ka vendosur standarde të larta. Nuk është rastësi që ekipet më të mëdha në Evropë, përfshirë Madridin, duan ta kenë atë në radhët e tyre. E kush është ai klub që nuk e do Olisenë. Vlera e tij tani ka mbërritur në 250 milionë euro, por vëshirë se do të ketë ndonjë klub që mund të shpenzojë këtë shifër, ndonëse jetojmë në shekullin e çudirave.

PANORAMASPORT.AL

---