Sulmuesi i Tiranës, Emanuel Ernest, duket se do të largohet së shpejti nga klubi bardheblu. Burime pranë drejtuesve bëjnë me dije se ekipi ka vendosur ta shesë lojtarin, ndërsa destinacioni më i mundshëm pritet të jetë USM Alger, një nga klubet kryesore të Ligës Algjeriane, që ka shfaqur interes të madh për shërbimet e sulmuesit.

Ernest ka treguar cilësi të spikatura gjatë paraqitjeve në Superiore, duke u shfaqur si një nga lojtarët më të vlefshëm të skuadrës në sulm, por drejtuesit e Tiranës kanë vendosur se ky është momenti i duhur për ta monetizuar transferimin dhe për të përfituar nga oferta e huaj.

Përtej aspektit sportiv, largimi i Ernest pritet të ndikojë edhe në strategjinë e merkatos së Tiranës, duke i hapur rrugë edhe për afrime të tjera që mund të forcojnë skuadrën dhe të adresojnë nevojat në mbrojtje. Lojtari nuk ka qenë dje as në ndeshjen me Vorën dhe mungesa e tij u vu re në fushën e lojës.

PANORAMASPORT.AL

---