Para disa javësh në klubin e kuq u përhap me shpejtësi lajmi se Partizani ka arritur të sigurojë lejen për të shkatërruar dy godinat e vjetra të ish-hartografisë, që i hapin rrugën punimeve për ndërtimin e dy fushave stërvitore, që do t’i shërbejnë ekipit të parë dhe akademisë.

Por pavarësisht lejes, deri më tani punimet nuk kanë nisur dhe nuk dihet ende arsyeja. Kjo ka mbajtur pezull edhe çështjen e fushës së stadiumit “Arena e Demave”, që është sintetike dhe është shndërruar në një problem serioz për ekipin dhe skuadrat rivale.

Stadiumi i kuq është përzgjedhur për stërvitje për kombëtaret U-17 në Europianin që do të zhvillohet në pranverë dhe kjo mund të jetë një arsye e shtyrjes së punimeve, pasi koha për fushë natyrale nuk premton.

PANORAMASPORT.AL

---