Minzhae Kim po konsiderohet gjithnjë e më shumë si një kandidat për shitje te Bajerni. Megjithatë, mbrojtësi nga Koreja e Jugut thuhet se e ka marrë tashmë vendimin për të ardhmen.

Sipas “Bild”, një transferim i lojtarit aktualisht nuk është në plan. Kim thuhet se është i kënaqur, pavarësisht se renditet i treti në hierarkinë e qendërmbrojtësve te Bajerni. Për shkak të kalendarit të ngarkuar të shumë lojtarëve të kombëtareve te Bajerni, Kim është i bindur se do të ketë më shumë minuta loje në sezonin e ardhshëm.

Meqë Kim thuhet se ndihet plotësisht rehat në dhomën e zhveshjes dhe raportohet se fiton një pagë të majme deri në 17 milionë euro në vit te Bajerni, asgjë nuk pritet ta tundojë atë për tu larguar nga Mynihu. Megjithatë, ky nuk është lajm i mirë për Bajernin.

PANORAMASPORT.AL

---