Rubin Hebaj ka vendosur të mbyllë para kohe bashkëpunimin me Tobol Kostanai. “Panorama Sport” mëson se palët kanë vendosur të ndajnë rrugët në Kazakistan, edhe pse kontrata është e vlefshme deri në fundin e këtij viti.

Hebaj dallon për ndryshimet e shumta që prej vitit 2024. 27-vjeçari nga Shkodra e niste karrierën te Vllaznia, ndërsa trofetë në Shqipëri i fitonte me Partizanin dhe Teutën. Me të dy klubet e Abissnet Superiore shpallej kampion.

Ish-lojtari i Kombëtares U-21 transferohej te Tobol në shkurt. Gjatë kësaj kohe luajti dhjetë ndeshje dhe shënoi vetëm një gol.

Mbetet për t’u mësuar se ku do të jetë aventura e re. Për herë të fundit në Shqipëri luajti me Teutën, ndërsa u largua në shkurtin e vitit 2023.

EMANUEL LOCI-PANORAMASPORT.AL

---