Nëpërmjet një njoftimi zyrtar, FSHF bën me dije se Kombëtarja shqiptare U-21 do të zhvillojë një ndeshje miqësore ndaj Uzbekistanit U-21 më 30 mars në Antalia të Turqisë.

Pas anulimit të dy ndeshjeve miqësore të planifikuara më parë në Antalia, Federata Shqiptare e Futbollit ka arritur një marrëveshje me Federatën e Futbollit të Uzbekistanit për zhvillimin e kësaj sfide miqësore.

Takimi mes Shqipërisë U-21 dhe Uzbekistanit U-21 do të luhet më 30 mars, në orën 14:30, do të shërbejë si një test i rëndësishëm për ekipin kuqezi në kuadër të përgatitjeve për angazhimet e ardhshme ndërkombëtare.

PANORAMASPORT.AL

---