Arbitrimi shqiptar vijon të marrë vlerësime në arenën ndërkombëtare ndërsa UEFA ka caktuar një katërshe shqiptare për të drejtuar sfidën mes Alashkert dhe Kluzh. Një takim ky i vlefshëm për kompeticionet europiane të klubeve, më konkretisht turi i dytë i Ligës së Konferencës. 

Në qendër të fushës më 23 korrik prej orës 17:00 do të jetë arbitri ndërkombëtar Eldorjan Hamiti, i cili prej vitesh është pjesë e listës së FIFA-s. Hamiti do të asistohet nga Ilir Tartaraj dhe Ani Koçiaj ndërsa detyrën e arbitrit të katërt do ta kryejë Erjon Bastari.

Katërshja shqiptare do të ketë përgjegjësinë për të administruar një sfidë që pritet të jetë mjaft e luftuar mes dy skuadrave me eksperiencë në garat europiane.

FATOS LAMAJ-PANORAMASPORT.AL

---