Marseja fitoi ndeshjen me golin e Canës, por tani meritën e marrin femrat
Një nga golat që Lorik Cana nuk do ta harrojë kurrë në karrierën e tij ka qenë ai me Marsejën kundër PSG-së. Ishte goli i parë me fanellën e Marsejës dhe pikërisht kundër ish-skuadrës së tij, vetëm pak muaj pasi ishte transferuar nga parisienët te rivalët e përjetshëm, Marseja.
Ngjarja ka ndodhur më 16 tetor të vitit 2005, kur Marseja fitoi ndeshjen me rivalin direkt 1-0, pikërisht me gol të shqiptarit në minutën e 78-të. Gjatë një goditjeje standarde, Cana kërceu më shumë se të gjithë me kokë dhe e dërgoi topin në rrjetë.
Por çfarë ka ndodhur pas 13 vitesh? Media franceze, duke u bazuar edhe te rrëfimi i ish-futbollistit të PSG-së në atë ndeshje, Kristof Landrin, zbardh se ka pasur disa prapaskena shumë interesante.
NGJARJA – Në përfundim të asaj ndeshjeje, lojtarët e skuadrës së kryeqytetit francez kanë deklaruar se në dhomat e zhveshjes u kishin hedhur amoniak dhe e kishin të pamundur të qëndronin aty.
Si pasojë u është dashur të ndërrohen në korridor, por edhe aty janë shpërqendruar nga një prej tifozeve më të nxehta të Marsejës, aktorja dhe modelja franceze, Klara Morgan.
Ajo, së bashku me një mikeshën e saj kishin provokuar lojtarët e PSG-së falë veshjeve të tyre. Kristof Landrin, ish-lojtari i PSG-së, ka thënë: “Humbëm përqendrimin teksa po zhvisheshim dhe pamë modelen në korridor. E dinim pa hyrë akoma në fushë që loja s’do të ishte në favorin tonë”.
NDIQE LIVE "PANORAMA TV"