Interi ka siguruar një barazim të pabesueshëm me shifrat 3-3 ndaj Benfikës sot në transfertë, pasi kishte mbyllur me humbje 3-0 pjesën e parë. Zikaltërit kanë dhuruar një ndeshje me dy fytyra, por në fund siguruan një pikë që i mban në kreun e grupit me pikë të njëjta me Real Sociedad, me të cilin do të luajë ndeshjen e fundit.

 

Pjesa e parë e ndeshjes së sotme ishte plotësisht për Benfikën, e cila përfitoi nga pasaktësitë e formacionit të “sajuar” nga Inzagi për të shënuar 3 herë me anë të ish-it Zhoao Mario. Por pjesa e dytë dhuroi një tablo tërësisht të ndryshme me zikaltrit agresivë të cilët kërkuan dhe gjetën shpejt golat me Arnautoviç dhe Fratesin. Turam i sapofutur në fushë siguroi penalltinë nga erdhi goli i 3-3 me Sançez, duke bërë që minutat e fundit të ishin më të ndezura.

Vendasit mbetën me 10 lojtarë pas kartonit të kuq të Antonio Silva dhe Interi kërkoi me ngulm edhe golin e fitores, por nuk ia doli, i ndalur në shtesë edhe nga shtylla. Gjithsesi, barazimi përfundimtar 3-3 ndihmon zikaltrit pasi edhe ndeshja tjetër u mbyll në barazim dhe kështu ndan përsëri vendin e parë me Real Sociedadin.

REZULTATET

REAL SOCIEDAD-SALCBURG 0-0

BENFIKA-INTER 3-3
5′, 13′, 34′ Zhoao Mario / 51′ Arnautoviç, 58′ Fratesi, 73′ (p) Sançez

NGJARJET KRYESORE

90’+10′ Mbyllet ndeshja me barazimin 3-3. 

90’+5’ Predhë e Barelas në qendër të zonës, shtylla shpëton vendasit. (VIDEO)

90’+3’ Dimarko nga e majta harkon në zonë, Lautaro me kokë nuk gjen portën e vendasve.

90′ Jepen 9 minuta shtesë.

89’ Rafa niset në të djathtën dhe gjuan në diagonale, topi shkon jashtë mes protestave të vendasve për një prekje të Bisek. (VIDEO)

86’ VAR-i fton gjyqtarin të shohë pamjet për një faull të Antonio Silva ndaj Barela. Gjyqtari i tregon kartonin e kuq futbollistit vendas. (VIDEO)

83’ Aksion i shpejtë i vendasve me Di Marian i cili gjuan nga jashtë zonës, por gjen përgjigjen e Auderos. (VIDEO)

79’ Interi tashmë tenton edhe fitoren me aktivizmin brenda pak minutash të Dimarko dhe Lautaro Martinez.

75’ Di Maria nis topin në shtyllën e dytë për Tengshted, ky i fundit nuk ia del të devijojë para portës. (VIDEO)

72’ GOOOL INTERI! Shënon Sançez me penallti. (VIDEO)

69’ Penallti për Interin pas faullit të Otamendi ndaj Turam. (VIDEO)

68’ Interi tenton të kthejë ndeshjen tani me aktivizimin e Turam, Barela dhe Kuadrado në vend të Darmian, Arnautoviç dhe Klasen.

64’ Kundërsulm i shpejtë i Benfikës, Tengshted është i vetëm dhe provon të gjuajë, Bisek devijon duke shpëtuar portën. (VIDEO)

62’ Di Maria provon të ndryshojë disi rrjedhën e ndeshjes, në minuta të dominuar nga Interi, por gjuajta e tij pritet nga Audero.

58’ GOOOL INTERI! Pas një harkimi nga e majta, Açerbi gjen Fratesin i cili shënon në portën e vendasve. (VIDEO)

51’ GOOOL INTERI! Pas zhvillimit të një goditje këndi, Arnautoviç përfiton nga devijimi i Trubin për të çuar tipin në rrjetë, Goli jepet nga VAR pasi vijërojtësi e kishte anuluar për pozicion jashtë loje (VIDEO)

50’ Aleksis Sançez provon me një goditje dënimi, Trubin devijon mbi traversë. (VIDEO)

49’ Harkim nga e djathta e sulmit në anën tjetër për Karlos Augusto, gjuajtja e këtij të fundit devijohet nga Trubin në këndore. (VIDEO)

46’ Asnjë ndryshim në fillimin e pjesës së dytë nga ekipet.

45’+4’ Mbyllet pjesa e parë me tre gola dhe dominim thuajse total të vendasve.

43’ Pas zhvillimit të një goditje këndi, Karlos Augusto ka mundësinë të gjuajë në portë nga e majta por fluturon topin mbi traversë. (VIDEO)

34’ GOOOL BENFIKA! Vazhdon hakmarrja e Zhoao Marios i cili shënon golin e tretë ndaj ish-skuadrës. (VIDEO)

24’ Aksion i shpejtë i Interit me Fratesin i cili nis Arnautoviç, por ky i fundit ndalet në mënyrë të shkëlqyer nga Trubin. (VIDEO)

23’ Aksion i gjatë i portugezëve me Di Marian i cili tenton nga jashtë zonës, pa gjetur rrjetën. (VIDEO)

13’ GOOOL BENFIKA! Asllani humb topin pranë zonës dhe nis një aksion të rrezikshëm nga e djathta për miqtë, të cilët finalizojnë me Zhoao Mario i cili mposht për herë të dytë Auderon. (VIDEO)

11’ Tengshted nga ana tjetër vë në provë Auderon me një gjuajtje nga e majta. (VIDEO)

10’ Asllani mundohet të ringjallë Interin me një gjuajtje nga jashtë zonës që përfundon në duart e Trubin.

5’ GOOOL BENFIKA! Gjuajtja e parë në portë e portugezëve sjell avanatzhin me Zhoao Mario, Por këtij të fundit i duhet të presë VAR-in për festën pasi fillimisht goli u anulua për pozicion jashtë loje. (VIDEO)

1’ Nis dueli në Portugali.

FORMACIONET ZYRTARE

Benfika-Inter

Real Sociedad-Salcburg

PANORAMASPORT.AL

NDIQE LIVE "PANORAMA TV"

---