Dy firma të tjera, Shameti dhe Musolli rinovojnë me Kukësin

Panorama Sport | Gazeta me e madhe sportive ne vend

Postuar: Gusht 4, 2016 | 13:32

Dy firma të tjera, Shameti dhe Musolli rinovojnë me Kukësin

Kukësi ka arritur sot të blindojë edhe për një vit dy elementë shumë cilësorë në përbërjen e saj, pasi ka nënshkruar rinovimin e kontratave me mbrojtësin Ylli Shameti dhe mesfushorin Besar Musolli.

shameti musolli gjici

Mbrojtësi ishte prej disa ditësh në negociata me Kukësin, për disa detaje në kontratën e tij, të cilat janë zgjidhur më në fund sipas kërkesave të lojtarit dhe ai ka rinovuar marrëveshjen e tij. “Panorama Sport” ka mësuar se për futbollistin ishin interesuar gjatë javës së fundit Vllaznia me Tiranën, por Shameti vendosi të qëndronte edhe për një tjetër sezon në radhët e verilindorëve.

ylli shameti

Për sa i përket Musollit, edhe mesfushori ka pasur oferta konkrete nga skuadra të tjera, sidomos nga Tirana, e cila dëshironte të kishte futbollistin në gjirin e saj. Megjithatë, lojtari ka cilësuar gjithmonë si parësor ekipin e Kukësit dhe sapo është kthyer nga pushimet, ka biseduar me klubin duke arritur akordin me të.

musolli

Vetë klubi konfirmoi marrëveshjen nëpërmjet një postimi në rrjetet sociale. “Dy lojtarët e F.K. Kukësit, Ylli Shameti dhe Besar Musolli kanë arritur marrëveshjen e rinovimit me klubin verilindor. Të dy lojtarët janë takuar me presidentin Safet Gjici dhe kanë zyrtarizuar vazhdimin e bashkëpunimit.

Futbollistët do të jenë me fanellën e F.K. Kukësit edhe për sezonin 2016-2017 dhe me shumë mundësi edhe për më tepër. Lojtarët shprehen mjaft të kënaqur që do të vazhdojnë të kontribuojnë për klubin verilindor”, shkruhej në këtë njoftim.





www.minuta90.com