Konfirmohet lajmi ekskluziv i “Panorama Sport”, Kukësi zyrtarizon trajnerin e ri

Panorama Sport | Lajmet e fundit nga sporti

Postuar: Shtator 11, 2022 | 20:37


Konfirmohet lajmi ekskluziv i “Panorama Sport”, Kukësi zyrtarizon trajnerin e ri

Konfirmohet lajmi ekskluziv i “Panorama Sport”! Enkeleid Dobi është zyrtarisht trajneri i ri i Kukësit që do të pasojë Skënder Gegën, që dha dorëheqjen pas barazimit në transfertë ndaj Teutës. Lajmi është bërë publik nga vetë klubi verilindor nëpërmjet një postimi në faqen zyrtare, ku i ka uruar mirëseardhjen teknikut të ri.

DOBI

47-vjeçari do të marrë drejtimin e ekipit ditën e hënë, teksa do të prezantohet para mediave. Dobi në të kaluarën ka pasur eksperiencë në Poloni, aty ku ka drejtuar skuadrat e Gronik Polkovice dhe Vidzev Lodz.

NJOFTIMI ZYRTAR I KLUBIT:

FK Kukësi njofton se Enkeleid Dobi është zyrtarisht trajner i skuadrës sonë!
Tekniku 47 vjeçar do të marrë drejtimin e skuadrës dhe ditën e nesërme do të prezantohet para mediave e më pas do të zhvillojë seancën e parë stërvitore në kompleksin “Football Republic”.

Dobi vjen te ekipi ynë pas një eksperience në Poloni, aty ku ka drejtuar skuadrat e Gornik Polkowice dhe Widzew Lodz.

Klubi i Kukësit i uron mirëseardhje trajnerit Dobi dhe suksese në drejtimin e ekipit tonë.