Postuar: Shkurt 22, 2024 | 23:35
“Gostitën” Ikardin & CO me 2 asiste dhe 1 gol, zbuloni notat dhe statistikat e shqiptarëve Tuci-Laçi
Sparta e Pragës iu fal futbollistëve shqiptarë Indrit Tuci dhe Qazim Laçi, që “gostitën” turqit e Gallatasarait me 2 asiste dhe 1 gol, në duelin e Ligës së Europës që përfundoi me shifrat 4-1, teksa dërguan në shtëpi Ikardin & CO.
Sulmuesi Tuci arriti të shënonte dhe të asistonte në këtë përballje, teksa u vlerësua me notën 8.1 nga “Sofa Score”. Edhe pse u hodh nga stoli në minutën e 66, kaq ishin mjaftueshëm që 23-vjeçari të shndërrohej në yllin e mbrëmjes.
Ndërkohë për sa i përket Qazim Laçit, mesfushori i Kombëtares shqiptare, asistoi për golin e katërt të sfidës. Dibrani u vlerësua me notën 7.3 nga “Sofa Score”.
PANORAMASPORT.AL