Laçi po kërkon prej kohësh një mesfushor shkatërrues, një numër 6 tipik, por deri më tani nuk e ka gjetur. Dëmtimi i Klinti Qatos dhe largimet e Juljan Shehut dhe Ardit Deliut i prishën planet trajnerit Shpëtim Duro. Megjithatë, “Panorama Sport” mëson se klubi kurbinas është pranë mbylljes së një goditjeje të rëndësishme.

Bëhet fjalë për një mesfushor serb që do të plotësonte mësë miri kërkesat e Duros. Gazeta mëson se drejtuesit janë prej ditësh në bisedime me Marko Djurisiç, i cili është pjesë e klubit të Superligës serbe, Vozdovac.

25-vjeçari ka luajtur më parë në elitën e futbollit serb edhe me Vojvodinën, Dinamo Vranje, Proleter Novi Sad dhe Macva Sabac. Për dy sezone Djurisiç ka qenë edhe në Letoni me kampionët e Rigës. Laçi po diskuton detajet e fundit të kontratës me lojtarin dhe gjasat janë që ai të firmosë në ditët e ardhshme.

TË DHËNA NGA “TRANSFERMARKT”:

PANORAMASPORT.AL

NDIQE LIVE "PANORAMA TV"

---