E ardhmja e Alen Sherrit te Kaljari është vënë në diskutim, pasi portieri i Kombëtares shqiptare nuk ka gjetur minutat që shpresonte tek ishullorët në Serinë A.

Mediat italiane bëjnë të ditur se për Sherrin ka pasur interes konkret gjatë këtyre javëve, me oferta nga të paktën 5 klube. Bëhet e ditur se klube nga Austria dhe Danimarka kanë kërkuar zyrtarisht futbollistin duke bërë edhe oferta për huazimin e tij apo edhe blerjen e kartonit në rast të një akordi shumëpalësh.

Por për momentin Kaljari duket se nuk ka ndër mend të heqë dorë nga lojtari, pasi e sheh atë si një zëvendësues ideal për Elia Kaprilen, i cili mbetet titullari i padiskutueshëm i portës së Kaljarit.

PANORAMASPORT.AL

---