Ledjo Tresa është edhe zyrtarisht lojtar i Elbasanit. Verdheblutë e kanë zbuluar sot përmes një postimi.

Elbasani e transferoi nga Laçi ku luante prej tre vitesh. Për më tepër duke e afruar si lojtar të cilit i përfundoi kontrata. Më parë ishte Partizani shumë pranë, por akordi nuk u arrit.

20-vjeçari është ndër sulmuesit më të talentuar në futbollin shqiptar. Tresa bën pjesë edhe te Kombëtarja U-21.

Elbasani vazhdon të përforcojë sulmin. Më parë janë prezantuar Ardit Nikaj, Rubin Hebaj dhe Edoli Lukoli.

Këto lëvizje vijnë duke qenë se priten disa largime në repartin ofensiv. Bëhet fjalë për Tsage, Lajthian, Ze Gomesh dhe Loukilin.

PANORAMASPORT.AL

---