Kukësi i Rahman Hallaçit, pa frena në merkaton e janarit. Skuadra verilindore ka zyrtarizuar mbrëmjen e sotme një tjetër futbollist.

Bëhet fjalë për sulmuesin 23-vjeçar Atdhe Rashiti, i cili është një produkt i dalë nga akademia e Bazelit, teksa në të kaluarën ka regjistruar edhe 1 ndeshje me Kombëtaren U-21 të Shqipërisë. Nëpërmjet një postimi në faqen zyrtare, Kukësi i ka uruar mirëseardhjen sulmuesit Rashiti.

NJOFTIMI ZYRTAR I KLUBIT:

WELCOME ATDHE RASHITI

Futboll Klub Kukësi njofton se sulmuesi Atdhe Rashiti është zyrtarisht futbollist i skuadrës sonë! Futbollisti 23-vjeçar ka firmosur ditën e sotme me klubin tonë një kontratë për 3 sezone e gjysmë, duke u bërë futbollisti më i ri në skuadër.

23 vjeçari, i lindur në Francë vjen te Kukësi nga kampionati zviceran ku së fundmi ka qenë pjesë e Dornach teksa është një futbollist i dalë nga akademia e Basel. Rashiti ka luajtur edhe me ekipe si Deportivo Alaves e Inter de Madrid në Spanjë dhe Black Star në Zvicër. Rashiti ka zhvilluar edhe një ndeshje me Shqipërinë U21.

Klubi i Kukësit i uron mirëseardhje futbollistit Atdhe Rashiti dhe shumë suksese me fanellën e skuadrës sonë. Mirësevjen Atdhe

Skeda e Lojtarit:

Emri: Atdhe Rashiti

Mosha: 23 vjeç

Gjatësia: 1.82 m

Kombësia: Shqiptar

Pozicioni: Sulmues

PANORAMASPORT.AL

NDIQE LIVE "PANORAMA TV"

---