ZYRTARE/ Eliminimi nga grupet e Botërorit, Eden Hazard vendos përfundimisht për të ardhmen te Belgjika
Tashmë është zyrtare, Eden Hazard nuk do të jetë më pjesë e kombëtares së Belgjikës.
Këtë lajm e ka bërë publik, Federata Belge e Futbollit me anë të një postimi në profilin e saj zyrtar, “Twitter” duke konfirmuar largimin e sulmuesit të Realit të Madridit nga “Djajtë e kuq”.
Nga viti 2008 ku ka debutuar me fanellën e përfaqësues A të Belgjikës e deri tani, Hazard ka luajtur 126 ndeshje duke shënuar 33 gola.
Belgjika e mbylli aventurën në Botëror shumë herët, në fazën e grupeve, teksa u pozicionuan në vendin e 3 me 4 pikë, ku në tre ndeshje, fituan 1 (ndaj Kanadasë 1-0), barazuan 1 (ndaj Kroacisë 0-0) dhe humbën 1 (ndaj Marokut 0-2).
All the best, captain. ❤️?? #MerciEden pic.twitter.com/Rsa0Mwf18T
— Belgian Red Devils (@BelRedDevils) December 7, 2022
BRIAN KRISTO – PANORAMASPORT.AL
