Olivie Zhiru në fakt ka vendosur të bëjë një “rrugëtim” ndërkombëtar pas “Euro 2024”. Sulmuesi që ka fituar gjithçka, ka disa plane për turneun që nis të premten dhe nuk ngurron ti thotë:

“Ky kompeticion mungon në trofetë kryesore. Shpresoj ta sjellim kupën në shtëpi. Do të jetë një kohë e mirë për herë të fundit me kombëtaren dhe triumfi do të ishte qershia mbi tortë”. Ambicioz, ish-sulmuesi i Arsenalit dhe Milanit do të donte gjithashtu të arrinte një moment historik të mrekullueshëm përpara se të largohej nga blutë.

“60 gola, nëse mund të arrij atje, do të ishte mirë. Më mungojnë vetëm tre dhe mendoj se mund t’ia dal,” rrëfeu ai me një buzëqeshje në një subjekt të transmetuar në mëngjes në “Téléfoot”.

Autor i 57 golave në 132 paraqitje, Zhiru duhet të jetë titullar të hënën e ardhme kur Franca të bëjë debutimin e saj në këtë Europian kundër Austrisë.

PANORAMASPORT.AL

NDIQE LIVE "PANORAMA TV"

---