NBA ka dhuruar fitoren më të thellë në këtë sezon pas 17 ndeshjeve të para, me një diferencë prej 44 pikësh.

Filadelfia mposhti në shtëpi Lejkërsat me rezultatin 138-94, ndeshje e komanduar dhe fituar me lehtësi nga vendasit.

Maxey me 31 pikë dhe Embiid me një “triple double” me 30 pikë, 11 rebound e 11 asist, bënë diferencën në parket, duke lënë në hije dyshen James-Davis, që për miqtë realizuan 35 pikë së bashku. Kjo fitore ngjit Philadelphian në vendin e dytë në Lindje, ndërsa Lakers zbresin në vendin e tetë në Perëndim.

Humbet edhe skuadra tjetër e Los Angeles, ajo e Clippers, që u mund në shtëpi 113-104 nga kampionët në fuqi të Denverit. Jackson me 35 pikë e 12 asist ishte lider në fushë për Nuggets, që triumfoi edhe pa praninë e Nikola Jokic. Ndërsa 31 pikët e Leonard për ekipin kalifornian mbetën për statistikë. Kjo fitore ngjit Denverin në vendin e tretë në Perëndim, por shumë afër kreut.

 

Ndërsa Utah Jazz fitoi në sekondat e fundit 114-112 ndaj Neë Orleans, ndeshje me rivalitet deri në fund. 7 lojtarë të Jazz shënuan mbi 10 pikë, duke bërë diferencën në fushë.

PANORAMASPORT.AL

NDIQE LIVE "PANORAMA TV"

---