VIDEO/ Shënojnë Rodrigo dhe i zakonshmi Bellingam, Reali kthehet përsëri i pari
Real Madrid është kthyer në kreun e renditjes së La Liga me një fitore të thjeshtë 3-0 ndaj Kadiz, për të vënë nën trysni surprizën Zhirona që po i rivalizon, por mbi të gjitha për t’u shkëputur nga Barcelona që tashmë është 4 pikë larg.
Skuadra e Ançelotit triumfoi në këtë sfidë falë dy protagonistëve. I pari ishte Rodrigo, i cili shënoi goiin e avantazhit në minutën e 14 dhe pastaj dyfishoi shifrat në minutën e 64-t të sfidës. Më pas, braziliani dha asistin për golin e tretë që u shënua nga Bellingam, për golin e tij të 11 në këtë kampionat, ku gjendet në kreun e renditjes së golashënuesve.
GOLI I PARË I RODRIGO (VIDEO)
GOLI I DYTË I RODRIGO (VIDEO)
GOLI I BELLINGAM (VIDEO)
Kështu, Reali gjen fitoren e radhës në kampionat dhe shfaqet përsëri dominues edhe pse i mungon një emër i rëndësishëm si Vinicius, i cili ka mbyllur vitin dhe do të kthehet vetëm në 2024-ën.
PANORAMASPORT.AL
NDIQE LIVE "PANORAMA TV"![](http://www.panorama.com.al/sport/wp-content/static/klikoperkepanoramaonline.jpg)