VIDEO/ Refuzoi të fliste, por më pas u rikthye. Shikoni se çfarë ndodhi me trajnerin e Kukësit
Kukësi barazoi 1-1 në sfidën e kampionatit të luajtur në Korçë me Skënderbeun. Si zakonisht trajnerët dalin në përfundim të sfidës për intervistat, por Diego Longo ka refuzuar përsëri të flasë.
Sipas “Super Sport”, tekniku i verilindorëve nuk ka pranuar të flasë pasi nuk ka mësuar ende shqip në mënyrë që t’iu përgjigjet pyetjeve të gazetarëve.
Kjo nuk është hera e parë që Diego Longo e bën këtë gjë, pasi dhe në sfidën e fundit la intervistën në mes duke dhënë të njëjtin arsyetim.
Megjithatë tekniku u rikthye të fliste dhe kur u pyet nga gazetarët përse nuk foli ai tha.
“Gjëja më e rëndësishme nuk është gjuha, por të jesh profesionist”, u shpreh trajneri.
Në momentin që do niste përkthimi gazetari i tha që mund të largohej dhe intervista u mbyll me aq.
PANORAMASPORT,AL
NDIQE LIVE "PANORAMA TV"