VIDEO/ PSG nuk ka rivalë në Francë, Mbape shënon edhe kur futet nga stoli
PSG ka shënuar fitoren e radhës në Ligue 1, teksa duket sikur nuk ka rivalë në kampionat!
Kampioni në fuqi i Francës triumfoi në transfertë me rezultatin e pastër 0-2 ndaj Nantës në duelin e vlefshëm në kuadër të javës së 22-të në elitën e futbollit francez.
PSG e nisi ndeshjen pa yllin kryesor, Kilian Mbape, i cili ee nisi sfidën nga stoli. Ky i fundit njoftoi ditë më parë se do të largohet nga “Parku i Princave” në fund të këtij edicioni.
Lukas Hernandez kaloi mysafirët në epërsi në minutën e 60-të të ndeshjes. Dy minuta më pas, Kilian Mbape u inkuadrua në lojë, teksa në minutën e 78-të shënon gol nga penalltia.
Me këtë fitore, PSG shkon në kuotën e 53 pikëve në vendin e parë, 14 më shumë se Nisë në vendin e dytë.
PANORAMASPORT.AL
NDIQE LIVE "PANORAMA TV"