VIDEO/ “Magji” nga distanca, ylli i Gjermanisë dhuron “show” me një supergol ndaj Anglisë
Gjermania dhe Anglia kanë barazuar mbrëmjen e djeshme me rezultatin 3-3, në një sfidë plot emocione dhe spektakël në stadiumin “Wembley” të Londrës, e vlefshme për Grupin 3 të Ligës A në Ligën e Kombeve.
Serinë e golave e hapi Ilkai Gyndogan në minutën e 52′, më pas ishte Kai Havertz ai që realizoi të dytin për “pancerat” në minutën e 67′.
Ishullorët reaguan, teksa për tre minuta realizuan dy herë, fillimisht me Luk Shoun dhe Meizon Maunt duke barazuar përkohësisht shifrat, respektivisht në minutat 72′ dhe 75′.
Goli i përmbysjes u shënua nga Herri Kejn në minutën e 87′ me penallti.
Aty ku u duk se përfaqësuesja e “3 Luanëve” do të merrte me vete tre pikëshin, ishte Kai Havertz që mendoi sërish duke rikthyer përsëri baraspeshën në minutën e 87′.
Ajo që ra më shumë në sy në këtë takim ishte goli i përkohshëm 0-2 për Gjermaninë me yllin e Çelsit që një kryevepër.
Nga një aksion kundërsulmi, 23-vjeçari ka shënuar një supergol ku ka shtangur dhe portierin e britanikëve, Pop.
Gjermania e mbylli këtë edicion të Ligës së Kombeve në vendin e 3, ndërsa Anglia në vendin e fundit, duke zbritur edhe një ligë më poshtë, atë B.
BRIAN KRISTO – PANORAMASPORT.AL
NDIQE LIVE "PANORAMA TV"