Erzeni është mposhtur nga Partizani me rezultatin 1-2 në “Arenën e Demave” në ndeshjen e fundit të vlefshme për javën e 9-të të Kategorisë Superiore.

Dueli u zhbllokua në minutën e 27 nga Cara dhe në minutën e fundit para përfundimit të pjesës së parë Erzeni ngeli me 10 lojtarë për shkak se Kahrimanoviç u ndëshkua me karton të kuq.

Goli i barazimit erdhi nga Meçja në të 64-ën. Teksa dukej që sfida do të mbyllej kështu, Mensah bëri sërish heroin për Partizanin. Pasi i dha fitoren në derbin me Tiranën, ai shënoi edhe ndaj Erzenit duke i dhënë të kuqve 3 pikët në “Arenën e Demave”.

ERZENI 1-2 PARTIZANI

64′ Meçja/ 27′ Cara, 89′ Mensah

NGJARJET KRYESORE

90’+5′ Mbyllet dueli.

90′ Akordohen 5 minuta shtesë.

89′ GOOOL PARTIZANI 1-2/ Pas një harkimi nga këndorja, Mensah shfrytëzon rrëmujën në zonë dhe shënon golin e dytë të Partizanit. (VIDEO)

86′ Koçijan largohet nga fusha, ka minuta për Prekën.

83′ Zeka largohet mes duartrokitjesh, i lë vendin Osmanllarit.

81′ Ndërhyn në mënyrë të gabuar ndajGrezdës, Zeka ndëshkohet me karton të verdhë.

74′ Maget godet drejt portës së Hasanbellit, topi përfundon mbi traversë.

68′ Largohen Cara dhe Rrapaj, ka minuta për Mensah dhe Keko.

64′ GOOOL ERZENI 1-1/ Zeka gjuan drejt portës dhe Hoxha pret. Topi i kthehet si asist Meçjas, ky i fundit nuk gabon dhe rikthen baraspeshën. (VIDEO)

57′ Dy zëvendësime nga Partizani. Largohen Mehmeti dhe Taipi, në lojë futen Grezda dhe Bilali.

55′ Maliqi gjuan drejt portës, topi përfundon jashtë. (VIDEO)

54’ Largohen Mihana dhe Kacbufi, në lojë Kiqina dhe Meçja.

46′ Nis pjesa e dytë pa zëvendësime.

45’+6′ Mbyllet pjesa e parë.

45’+5′ Kacbufi merr karton të verdhë për shkak të protestave.

45’+4′ Arbitri shkon në VAR për të kontrolluar ndërhyrjen e Kahrimanoviçit dhe i heq kartonin e verdhë dhe i jep të kuqin. (VIDEO)

45’+1′ Kahrimanoviç ndërhyn ashpër ndaj Murataj dhe ndëshkohet me karton të verdhë. (VIDEO) 

45′ Akordohet 1 minutë shtesë.

44′ Zeka gjuian drejt portës, Hoxha bën një tjetër pritje fantastike. (VIDEO)

40’ Maget i pason topin Carës, ky i fundit gjuan drejt portës por Hasanbelli i kundërpërgjigjet me një pritje të mirë. (VIDEO)

29’ Taipi gjuan nga goditja e dënimit, topi shkon në duart e portierit të Erzenit. (VIDEO)

27′ GOOOL PARTIZANI 0-1/ Maget i jep asist Carës, ky i fundit krijon hapësirë dhe godet drejt portës së Hasanbelliut duke kaluar në avantazh të kuqtë. (VIDEO)

25’ Atanaskoski ndërhyn ndaj Zekës dhe ndëshkohet me karton të verdhë.

21’ Zeka gjuan sërish nga jashtë zonës, topi përfundon në tribunë. (VIDEO)

15’ Atanda gjuan drejt portës, Hoxha bën një pritje fantastike duke e dërguar topin jashtë fushës. (VIDEO)

7’ Zeka gjuan nga jashtë zonës, topi shkon shumë pranë portës dhe përfundon jashtë. (VIDEO)

2’ Taipi gjuan nga goditja standarde, topi shkon drejt e në duart e Hasanbelli.

1′ Starton dueli

FORMACIONET ZYRTARE

Erzeni: Hasanbelli, Kacbufi, Atanda, Sadiki, Peposhi, Maliqi, Kahrimanoviç, Alba, Migone, Mihana, Zeka.
Trajner: A. Deliallisi

Partizani: Hoxha, Atanaskoski, Koçijan, Bytyçi, Murataj, Maget, Mehmeti, Rrapaj, Taipi, Cara, Bintsuka.
Trajner: A. Abilaliaj

PANORAMASPORT.AL

NDIQE LIVE "PANORAMA TV"

---