VIDEO/ Java e 29-të e Kategorisë së Parë nis me bollëk golash, Flamurtari i shkakton Vorës humbjen e 6-të radhazi
Java e 29-të e Kategorisë së Parë ka nisur me bollëk golash. Flamurtari mposhti 3-2 Vorën në fushën e kësaj të fundit, në një ndeshje me ritëm dhe episode, pavarësisht temperaturave të larta.
FOTOT: FERDINAND HAZISLLARI
Vlonjatët shënuan në pjesën e parë me Shkurtajn dhe shkuan në pushim në avantazh. Pjesa e dytë nisi “zjarr”, teksa në harkun e pesë minutave u realizuan tre gola. Ishte fillimisht Pjeshka që shënoi për vlonjatët, por pas 2 minutash Galo ngushton në 1-2.
Por Flamurtari shënon të tretin në minutën e 53-të. Ishte Shkurtaj që shënoi golin e dytë personal në këtë sfidë pas një kundërsulmi të shpejti. Dhjetë minuta më pas, vendasit përfitojnë penallti dhe nga pika e bardhë nuk fal Prengaj, duke ngushtuar shifrat në 2-3.
Pavarësisht përpjekjeve të Vorës për të barazuar, madje edhe kur Flamurtari mbeti me 10 lojtarë, nuk e arriti dot edhe pas 6 minutave shtesë. Kështu, Flamurtari “blindon” vendin e tretë, ndërsa Vora mbetet e katërta, duke pësuar humbjen e gjashtë radhazi.
VORA 2-3 FLAMURTARI
Gaio 50′, Prengaj 63′ (11-m)/ Shkurtaj 29′, 53′, Pjeshka 48′
Prengaj karton i kuq 84′
VIDEO GOLI I PRENGAJT ME PENALLTI
VIDEO PRITJA E PORTIERIT VLONJAT
PANORAMASPORT.AL
NDIQE LIVE "PANORAMA TV"
