Mançester Siti mbylli pa gola duelin me Arsenalin këtë të diel, pas një ndeshje shumë të luftuar mes dy skuadrave. Por shumëkush i dha rëndësi një situatë që u shfaq në fund të ndeshjes, kur Guardiola u ndal dhe pati një debat të ndezur në fushë me Xhek Grilish.

Trajneri e ka bërë të zakonshëm të shpjegojë menjëherë pas ndeshjes situata loje për futbollistët e tij, por këtë radhë dukej paksa i nervozuar me anësorin e sulmit të tij. I ngacmuar sot në konferencë për mediat rreth asaj skene, Guardiola preferoi të bënte ironi para kamerave.

“Unë e bëj për kamerat, për egon time. Unë jam i famshmi i skuadrës, nëse përfundon në kamera, atëherë mund të fle gjumë pasi kam kënaqësi të jashtëzakonshme. Unë gjithmonë mundohem t’i kritikoj lojtarët aty dhe t’u tregoj se sa keq kanë bërë.

Kur Erling shënon tre gola, komplimentet duhet të jenë te unë, jo me ta. Kjo është arsyeja pse unë përdor kamerat që ta bëj një gjë të tillë. Këshilla ime herën tjetër është: mos na filmoni më dhe nuk do të jetë më një problem”, tha Guardiola.

🗣️ ‘Don’t film us and it won’t be a problem!’

Pep Guardiola gives a mischievous answer to a reporter’s question about his grilling of Jack Grealish following Sunday’s clash with Arsenal 🔹 pic.twitter.com/R2uxCjF1oY

— Sky Sports News (@SkySportsNews) April 2, 2024

PANORAMASPORT.AL

 

NDIQE LIVE "PANORAMA TV"

---