Milani mposhti me rezultatin 3-1 Frozinone mbrëmjen e sotme, duke u ngjitur në kuotën e 29 pikëve në 14 javë. Ky ishte suksesi i dytë radhazi për kuqezinjtë e Piolit, që tashmë janë futur në ritmin e skuadrave kryesuese. Titullarë në këtë përballje ishin edhe dy futbollistët shqiptarë Çuni dhe Ibrahimoviç. 

Në minutën e 42-të, kur shifrat ishin të barabarta, Çuni shpërdoroi një rast të artë i vetëm me portierin Menja, teksa fati nuk ishte me djaloshin 22-vjeçar. Tentativa e tij u ndal nga gardiani kuqezi. Ndërkohë as një minutë më pas Milani gjeti rrugën e rrjetës me Joviç.  

Për të siguruar triumfin mendoi Pulisiç dhe Tomori në minutat 50 dhe 74-t, teksa golin e nderit për Frozinonen e shënoi Breshianini. Sfidën e radhës Milani e luan në transfertë ndaj Atalantës, ndërkohë që Frozinone pret Torinon.  

FT: MILAN-FROZINONE 3-1

Joviç 43′, Pulisiç 50′, Tomori 73′ / Breshianini 82′

KOMENTI

Mbyllet sfida! 

90′ Akordohen 4 minuta shtesë!

85′ Momenti i 15-vjeçarit Kamarda, Pioli e hedh sërish në fushë në vend të Joviç.

82′ GOOOOOL FROZINONE 3-1/ Miqtë shënojnë golin e nderit me anë të futbollistit Breshianini i hedhur në fushë në startin e pjesë së dytë. (VIDEO)

73′ GOOOOL MILAN 3-0/ Skuadra e Piolit e papërmbajtshme mbrëmjen e sotme, shënon edhe golin e tretë me anë të Tomorit (VIDEO)

66′ Dy zëvendësime te Frozinone, trajneri largon nga fusha Çunin dhe Ibrahimoviçin shqiptar për të aktivizuar Xhuzepe Caso dhe Kaio Jorge.

50′ GOOOOL MILANI 2-0/ Kuqezinjtë dyfishojnë shifrat me anë të Pulisiç. Futbollisti amerikan udhëheq mjaft bukur topin e dhuruar nga Menja, teksa mes 3 kundështarëve futet nga e djathta e zonës dhe nuk fal duke përshëndetur rrjetën. (VIDEO)

46′ Starton pjesa e dytë!

Mbyllet pjesa e parë!

43′ GOOOL MILAN 1-0/ Zhbllokohet sfida, Joviç kalon në avantazh Milanin me një gjuajtje të bukur brenda zonës (VIDEO)

42′ E pabesueshme çfarë humbet Çuni i cili i rëmben bukur topin Tomorit dhe del i vetëm me Menja, gjuajtja e tij u ndal nga portieri i Milanit dhe shkoi në këndore. Sulmuesi shqiptar vendos duart në kokë (VIDEO)

34′ Tentativa e Çunit brenda zonës, sulmuesi shqiptar provon të gjejë rrugën e rrjetës, por gjuajtja e tij shkon jashtë kuadratit (VIDEO)

20′ Milani hidhet në sulm në kërkim të golit, por mungon saktësia para portës.

1′ Starton sfida!

FORMACIONET ZYRTARE

PANORAMASPORT.AL

NDIQE LIVE "PANORAMA TV"

---