Trajneri i Liverpulit, Jyrgen Klop, duke folur për “Sky Sports”, tha se nëse skuadra e tij do të kishte luajtur më mirë në “Etihad”, mund të kishte marrë fitoren. “Është një moment vërtet i mirë. Është një vend i vështirë për të ardhur dhe luajtur. Nuk është rastësi që ata fitojnë kaq shumë ndeshje në shtëpi.

Ne jemi ende në një proces. Nëse do të luanim vërtet mirë, mund të kishim fituar, por nuk e bëmë. Ne luajtëm thjesht mirë. U shkaktuam atyre gjithashtu probleme, por në momentet tona të mira nuk ishim efikasë. Fatkeqësisht humbëm shërbimet e Zhotës. Kemi pasur momente të mira, por do të doja të kishim më shumë. Në momentin ku jemi, duhet ta marrim këtë pikën si sukses.

Nuk kam asgjë për t’u ankuar. Një pikë nuk është diçka e keqe. Trent bëri një ndryshim. Përpara se të nisim të flasim për rolin e tij në fushë, mendoj se na ndihmon ta kemi herë pas here në krahun e djathtë”. Pastaj trajneri gjerman foli edhe për babanë e Luis Diazit, i cili ishte në stadium pas historisë së pengmarrjes: “Jam i lumtur për të gjithë familjen që gjithçka është në rregull për momentin. Ata janë të gjithë këtu dhe kjo është pozitive”.

NDIQE LIVE "PANORAMA TV"

---