Trajneri Hadaj: Tomori ka rënë në të Dytën, tani synojmë hapësirat për të rinjtë
Pas humbjes me Vorën, Lisjan Hadaj, zv.trajneri i Tomorit për “Panorama Sport” u shpreh: “Tomori e ka përfunduar kampionatin, kemi rënë nga kategoria.
Në ndeshjet e mbetura ne do të kërkojmë të rindërtojmë një skuadër modeste për ta ringjitur Tomorin sërish sezonin e ardhshëm. Pjesa e parë e takimit ishte mjaft e luftuar si nga ne edhe nga Vora. Në pjesën e parë Tomori luajti bukur, krijuam raste shënimi, por nuk konkretizuam. Tashmë dihet objektivi ynë, krijimi i sa më shumë hapësirave të futbollistëve të rinj.
Ndërkohë kemi fituar një portier të ri, vetëm 18 vjeç. Kemi aktivizuar dhe futbollistë të tjerë të rinj dhe synojmë ndërtimin e një skuadre të re me elementë të rinj, që të jenë të gatshëm për sezonin e ardhshëm. Gjithsesi, siç e dini ne kishim përballë një kundërshtar mjaft të fortë siç është Vora dhe arritëm të rezistonim për gati 60 minuta”.
ABDULLA DUSHKU- PANORAMASPORT.AL
NDIQE LIVE "PANORAMA TV"