Suedezët festojnë karrierën e Ibrahimoviç, do ta nderojnë me… Serbinë
Zlatan Ibrahimoviç e mbylli me futbollin e luajtur një vit më parë, duke i dhënë fund një karriere shumë të suksesshme. Por tifozët e tij në Suedi nuk mundën që t’i jepnin lamtumirën siç do të dëshironin futbollistit që për shumë vite kishin idhull.
Si rrjedhojë, Federata Suedeze e Futbollit, ka vendosur që këtë vit të organizojë edhe ndeshjen e lamtumirës zyrtare të Ibrahimoviç, i cili mbetet golashënuesi më i mirë në historinë e përfaqësueses, me 62 gola të shënuar.
Federata bëri të ditur se më datë 8 qershor, do të organizohet një ndeshje në “Friends Arena” në Solna ku Suedia do të përballet me Serbinë. Në këtë ndeshje, do të organizohet edhe ceremonia në fjalë për një futbollist i cili vlerësohet si një nga të mëdhenjtë e historisë jo vetëm të këtij vendi, por edhe të gjithë Europës.
📣 BILJETTSLÄPP!
Tillsammans hyllar vi @Ibra_official 👑🙌
8 juni klockan 18.00 – En kväll du inte vill missa när herrlandslaget möter Serbien på Friends Arena och vi hyllar Zlatans blågula karriär! 🇸🇪
— Svensk Fotboll (@svenskfotboll) April 2, 2024
PANORAMASPORT.AL
NDIQE LIVE "PANORAMA TV"![](http://www.panorama.com.al/sport/wp-content/static/klikoperkepanoramaonline.jpg)