Shënoi ndaj Maliqit, Benito Çulli: Luftëtari i shkarkon të gjitha “bateritë” në 3 ndeshjet e fundit
Benito Çulli, me golin e shënuar në minutën e 18-të nga pika e bardhë e penalltisë, shtroi rrugën e fitores bindëse 4-0 të Luftëtarit kundër Maliqit. Ky takim u zhvillua në Gjirokastër dhe ishte i vlefshëm për javën e 19-të të Grupit B.
Për “Panorama Sport”, autori i 6 golave të shënuara, i cili dy ditë më parë festoi 24 vjetorin e lindjes, për golin e shënuar dhe peshën që mbartin tri përballjet e mbetura tha: “Ishte një gol i rëndësishëm, që na çliroi psikologjikisht dhe na ndihmoi për të fituar ndeshjen me rezultat të pastër. Tani jemi të fokusuar te ndeshja me Orikumin.
Të gjitha ‘bateritë’ do i shkarkojmë në tri javët e fundit, me projeksion ngjitjen në Kategorinë e Parë”. Luftëtari pas javës së 19-të mban vendin e dytë në klasifikim me kuotën e 44 pikëve, një më pak sesa Pogradeci kryesues. Oriku, kundërshtari i radhës për bluzinjtë renditet i katërti me 28 pikë.
TOMOR SHEHU- PANORAMASPORT.AL
NDIQE LIVE "PANORAMA TV"