Hamdi Salihi ka një pistë të hapur për t’u rikthyer në Izrael. Kanë qenë mediat izraelite ato që kanë zbardhur bisedimet e sulmuesit shkodran me klubin e Makabi Netanja. Sipas tyre, lojtari kishte arritur një akord paraprak për një shifër prej afro 15 mijë eurosh në muaj me ekip, por që ka kërkuar të ndryshojnë kushtet kohët e fundit.

Kjo lidhet pikërisht me ecurinë e Skënderbeut në Champions dhe faktit që i garantohet mundë- sia për të luajtur minimalisht në grupet e Ligës së Europës. Gjithashtu, klubi korçar është i aftë t’i paguajë edhe një rrogë të majme futbollistit të Kombëtares së Shqipërisë. Sipas mediave izraelite, menaxheri i Salihit ka telefonuar klubin e Makabi Netanja, duke i njoftuar se nuk pranon nëse paga nuk kap shifrën e 18 mijë eurove në muaj. Në rast se do pranonte të transferohej, ky do ishte klubi i tretë që 31-vjeçari do luante në kampionatin izraelit, pas Hapel Acrre dhe Hapeol Haifa.

NDIQE LIVE "PANORAMA TV"

---