Rinis Kategoria e Tretë. Me dy ndeshjet e luajtura dje në Kamzë, ka startuar java e katërt.

Fillimisht në fushë kanë zbritur Drini i vendit të fundit me Eagles pretendent, e u fitua nga skuadra e drejtohet nga Blendi Gockaj.

Kjo ndeshje u gjykua nga Albano Stolaj dhe përfundoi 1-5. Mila i dha avantazhin në të 35-ën, ndërsa në të dytën erdhën 4 gola për 8 minuta. Mesha, dopieta e Mahmutaj dhe Plloçi me penallti zgjidhën gjithçka.

Golin e nderin për Drinin e shënoi nga pika e bardhë Xhuti. Më vonë ishte radha e Osumit që priti kryesuesit e AF Elbasanit, të cilët ende nuk po gjejnë rival dhe janë parë të argëtohen shumë në fushë.

Janë 9 gola të shënuar, që i bëjnë “monstruozë”.

Xhelili hapi siparin në të 5-ën, ndërsa Çota dyshoi në 8-ën.

Mici shpërtheu me një tripletë në minutat 25, 48 e 53, por pas nuk mbeti edhe Ferhati me dopietën tij në të 32-ën e 81- ën.

Pati vend edhe për Bajramin e Rrasën, që i vendosën “vulën”.

ABDULLA DUSHKU – PANORAMASPORT.AL

---