Renato Sançez ishte një nga objektivat kryesorë të Milanit këtë merkato, por duket se portugezi ka zgjedhur që të transferohet te PSG. Për këtë arsye, kuqezinjtë po punojnë për të afruar në “San Siro”, mesfushorin Dagllas Luiz.

Kampionët e Italisë dhe braziliani duket se kanë rënë në një akord me njëri-tjetrin dhe tani pritet vetëm që të bindet Aston Vila.

Siç bënë me dije “Tuttosport”, klubi anglez kërkon 25-30 milionë euro, por kjo shifër duket e lartë për Milanin. Kështu që dhe vetë Luiz ka kërkuar që të shitet në Itali dhe po ushtrojnë presion ndaj Aston Vilës për ta ulur kërkesën e tyre në 20 milionë euro.

PANORAMASPORT.AL

NDIQE LIVE "PANORAMA TV"

---