Gjatë fitores 5-0 të Arsenalit në derbin me Çelsin të martën, “topçinjtë” kapërcyen kuotën e 100 golave të shënuar këtë sezon në të gjitha kompeticionet (48 ndeshje).

Golin e 100-të e shënoi Trosard (i pari i ndeshjes), ndërsa klubi e arrin shifrën e 100 golave gjatë një sezoni për herë të 23-të në histori, me dopietat e Ben Uajtit dhe Kai Havercit që e dërguan në total numrin në 104.

Sezonin e shkuar skuadra e Artetës shënoi 103 herë në 49 ndeshje, pavarësisht se vendosi një rekord për numrin e golave në kampionat (88). Por ata kanë mundësi ta përmirësojnë këtë rekord, duke qenë se pesë golat e së martës në “Emirates” e dërguan në 82 numrin e rrjetave në Premier Ligë këtë sezon, kur duhen edhe katër ndeshje deri në fund. Për skuadrën e Artetës kanë shënuar 17 “topçinj”.

PANORAMASPORT.AL

NDIQE LIVE "PANORAMA TV"

---