Përtej rezultateve dhe shifrave të tyre në fushën e secilit prej protagonistëve, ajo që tregon merkato është se përkushtimi i Realit të Madridit ndaj talenteve të rinj është fitimprurës.

Në vlerësimin më të fundit të tregut të “Football Benchmark”, janë pesë lojtarë të “los blancos” që kanë një vlerë tregu mbi 100 milionë euro. Lista kryesohet nga Vinicius Zhunior, i cili është lojtari më i vlefshëm i skuadrës së bardhë dhe i gjithë kampionatit spanjolle me një vlerë prej 163.5 milionë euro. Ai ka lënë pas për vetëm pak milionë (153.9 milionë) shokun e tij të skuadrës, Xhud Bellingam, i cili iu bashkua klubit të bardhë në meërkaton e verës nga Borusia e Dortmundit. për afrimin e anglezit nga verdhezinjtë, Reali i Madridit pagoi 103 milionë euro, por vetëm në pak muaj ai e ka shtuar vlerën e tij në treg me 50 milionë euro.

Por në renditjen e vlerës së çdo anëtari të skuadrës, shumica e nënshkrimeve të reja të “los blancos” në vitet e fundit shfaqen në krye, logjike nga njëra anë, por jo aq sa të kenë dyfishuar ose trefishuar vlerën e tyre. Një shembull tjetër kapërcimi të shifrave është Federiko Valverde, i cili tashmë i është bashkuar klubit 100 milionësh (109.10), i katërti pas Tçuamenit (109.5). Uruguaiani është shembulli më i rëndësishëm i një investimi të bërë mirë, pasi pesë milionë që i janë paguar Penjarolit janë shumëfishuar në mënyrë gati të pabesueshme. Sa i përket ish-lojtarit të Monakos (Tçuameni), ai ka rivlerësuar edhe veten pavarësisht çmimit të tij të lartë të transferimit, i cili arriti në 80 milionë euro. Në vendin e pestë dhe të gjashtë janë dy futbollistë të tjerë që kanë mbërritur me të njëjtin profil, ndonëse edhe me një çmim të konsiderueshëm dhe vlera e tyre në treg është trefishuar.

Kamavinga ka një vlerë prej 104.6 milionë dhe Reali e mori atë nga Rene për Askush si Reali, Tçuameni, Kamavinga, Vinicius, Valverde e Bellingam, të gjithë vlejnë mbi 100 milionë euro 30 milionë euro. Ai pasohet nga Rodrigo (92.3 m.), i cili gjithashtu pothuajse e ka dyfishuar vlerën e tij kur u transferua nga Santosi. I shtati është Militao, i cili po ashtu ka ardhur i ri, 21 vjeç, por vlen 67.9 milionë. Nga këta shtatë lojtarë, klubi madrilen sapo ka rinovuar me katër, Kamavinga, Rodrigo, Vinicius dhe Valverde, ndërsa Militao do të jetë i radhës që do të rinovojë. Vlera e të gjithëve arrin në 800 milionë euro. Sa i përket Bellingamit, pavarësisht se ka kushtuar 103 milionë më shumë (deri në 30% më shumë), ai tashmë e ka tejkaluar çmimin e blerjes nga Dortmundi.

DOMINIM NË LA LIGA – Reali i Madridit dominon gjithashtu top 10-shen e lojtarëve më të vlefshëm në La Liga. Janë gjashtë lojtarë të bardhë, të gjithë ata që u përmendën përveç Militaos, dhe katër nga Barça, Gavi është i treti, Pedri i katërti, De Jong i teti dhe Kunde, i dhjeti. Madridi ka një prani edhe në tregun evropian. Vetëm Haland, futbollisti më i vlefshëm në botë për momentin (196.1 milionë) dhe Mbape (167.7) kanë më shumë vlerë se Vinicius dhe Bellingam. Gjithashtu në top 10-shen e futbollit europian janë Gavi (i shtati) dhe Pedri (i nënti). Vlera e lojtarit që ka rënë më shumë është Mbape, duke u ulur me 13.88%, ndërsa vlera e Viniciusit është ajo që ka shënuar rritjen më të madhe.

LEDJO SEFERKOLLI-PANORAMASPORT.AL

NDIQE LIVE "PANORAMA TV"

---