PSG këtë verë ka bërë një revolucion të mirëfilltë, duke larguar shumë lojtarë, e ndikuar edhe nga situata financiare e klubit që duhet të justifikojë disi shpenizmet e kryera në vite para UEFA-s. Por shitjet që ka kryer në kampionatin e Katarit, kanë përfunduar në lupën e UEFA-s.

Në ditët e fundit, klubi i cili është në pronësi të shtetit të Katarit, ka finalizuar marrëveshjen për shitjen e Marko Verrati, Abdu Diallo dhe Julian Draksler në klubet e kampionatit të Katarit, duke përfituar në total 80 milionë euro që padyshim ndihmojnë bilancin e tyre.

Presidenti i La Liga, Havier Tebas, i kishte akuzuar hapur për këto marrëveshje. “Mos mendojnë se jemi idiotë? Katari është shteti satelit i PSG-së, e cila në këtë mënyrë siguron përfitime të mëdha. A është ky sistemi që duam? Nuk e besoj”, tha presidenti i La Liga.

Sipas “L’Eqiope”, një reagim i tillë ka detyruar UEFA-n që të hapë hetim ndaj parisienëve dhe po kontrollon për lidhjet mes klubeve në fjalë dhe shtetit të Katarit. Nëse do të konstatohen shkelje, parashikohet që UEFA të mos regjistrojë përfitimet e PSG-së në bilancin e përgjithshëm për Fair Play Financiar e për më tepër të ndëshkojë me një tjetër gjobë klubin francez.

PANORAMASPORT.AL

NDIQE LIVE "PANORAMA TV"

---