Tashmë është e ditur se Kilian Mbape do të largohet këtë verë nga Parisi për t’iu bashkuar Real Madrid me parametra zero. Natyrisht që PSG nuk dëshiron të humbasë kohë dhe është futur që tani në kërkim të gjejë zëvendësuesin potencial të francezit. Emrat kanë qenë të shumtë si Leao, Osimhen apo edhe Lautaro Martinez.

Siç raportojnë mediat kolumbiane, tashmë klubi kryeqytetas po analizon mundësinë e blerjes së kartonit të Luis Diaz. Sulmuesi i Liverpul, këtë sezon ka shkëlqyer, teksa ka shënuar 11 gola dhe ka dhuruar 3 asistime për shokët e ekipit, duke ndihmuar skuadrën e Jurgen Klop, të vazhdojë garën për titullin kampion.

“The Reds” janë të gatshëm ta lënë kolumbianin të lirë, por në këmbim duan një shifër të madhe parash. Sipas raportimeve, Liverpul i ka kërkuar PSG një shumë prej 140 milionë eurosh nëse dëshirojnë që ta blejnë sulmuesin. Kjo shumë parash do ta ndihmonte klubin anglez të rinovonte kontratat me yjet e saj Van Dajk dhe Salah.

PANORAMASPORT.AL

NDIQE LIVE "PANORAMA TV"

---