Igli Tare i jep lamtumirën pas 18 vitesh klubit të Lacios, një klub ku mbylli karrierën si futbollist dhe nisi atë si drejtues, një klub ku u kthye në një nga emrat më të rëndësishëm të merkatos në Europë.

Në këtë moment të veçantë, ish-sulmuesi i kombëtares shqiptare, kontrata e të cilit me bardhekaltrit mbyllet pas pak ditësh, ka zgjedhur të falënderojë të gjithë ata me të cilët ka përjetuar çdo ditë në ambientet e klubit. Jo lojtarët apo stafin teknik, por bashkëpunëtorët e tij në administratë dhe në përditshmërinë e jetës së bardhekaltërve.

Ai ka postuar një foto të të gjithëve bashkë, duke i falënderuar për atë që kishte përjetuar mes tyre.

“Kujtimi më i bukur i 18 viteve të fundit, përqafimi juaj që keni qenë si një familje për mua. Faleminderit të gjithëve”, shkruante Tare në rrjetet sociale.

PANORAMASPORT.AL

NDIQE LIVE "PANORAMA TV"

---