Igli Tare ka dhënë mendimin e tij për rrjetin “Sky Sport”, pas dënimit të radhës së Juves, i cili bashkuar me rezultatin e fushës së bardhezinjtë e kualifikon matematikisht Lacion në Champions:

“Nuk ka qenë e lehtë për Juventusin të menaxhojë këtë gjë, duke e ditur se njëherë je brenda dhe një herë je jashtë zonës “Champions”. Diçka e tillë kushtëzon motivimet lojtarëve për të zbritur në fushë, kështu që sa më shpejt të qartësohet kjo gjë, aq më mirë është për të gjithë.

Ne matematikisht në Champions? Sodisfaksion i madh, fryt i një punë fantastike të bërë nga trajneri, lojtarët dhe klubit, i cili ka vënë në dispozicion një grup lojtarësh të nivelit të lartë. Nuk kemi qenë gjithë kohën konstantë, por e rëndësishme është që arritëm objektivin”.

Kujtojmë që Igli Tare prej kohësh përflitet për një kalim të mundshëm te Juventusi për të marrë postin e drejtorit sportiv.

PANORAMASPORT.AL

NDIQE LIVE "PANORAMA TV"

---