Nga Juventusi te Reali e Barcelona, të gjithë në garë për titullarin e Interit

Panorama Sport | Lajmet e fundit nga sporti

Postuar: Janar 30, 2023 | 13:43

Nga Juventusi te Reali e Barcelona, të gjithë në garë për titullarin e Interit

Marselo Brozoviç vazhdon të stërvitet i veçuar në Apiano Xhentile, edhe pse mbetet për të parë nëse në stërvitjen e sotme, që është edhe afati i përcaktuar nga stafi mjekësor, do të rikthehet të punojë me grupin. Rreth kroatit ama janë vërtitur prej ditësh zëra të ndryshëm që kanë të bëjnë me gjendjen dhe me të ardhmen e tij.

brozovic

Duke u ndalur te lajmi që qarkulloi mbi përgatitësin e Milanit, Andreja Milutinoviç, që është njëkohësisht dhe ai, i cili po ndjek procesin e rikuperimit të 30-vjeçarit zikaltër, kanë ardhur edhe reagimet e stafit të kroatit.

“Marselo nuk ka marrë asnjëherë medikamente apo trajtime që nuk kanë pasur miratimin e plotë të Interit. Ato që qarkullojnë janë spekulime”, shkruhej ndër të tjera në komunikatën e enturazhit të mesfushorit, që përveç gjendjes së tij fizike duhet të shqetësohet edhe për të ardhmen.

E ARDHMJA – Tashmë Brozoviç nuk konsiderohet më i pashitshëm për arsye ekonomike dhe teknike, edhe pse vetëm një vit më parë firmosi një kontratë që skadon në 2026-ën dhe për të cilën paguhet 6.5 milionë euro në sezon përfshirë dhe bonuset.

Për kroatin kanë shfaqur interes një sërë klubesh europiane dhe përveç Barcelonës, as Real Madridi nuk po qëndron indiferent.

Por përveç spanjollëve, në radhë për mesfushorin janë vendosur edhe anglezët e Çelsit dhe në fund, me shumë kërshëri po e ndjek edhe Juventusi.

Bardhezinjtë tentuan një vit më parë transferimin me parametër zero të tij, pa ia dalë, por vazhdojnë akoma të ndjekin situatën, për më tepër kur Interi është gati ta lërë të shkojë Brozon për 30 milionë euro.

PANORAMASPORT.AL

NDIQE LIVE "PANORAMA TV"